Ұлы Абай Құнанбаевтың 175 жылдығына арналған ҚР тілдері онкүндігінің ашылуы

Бүгін, яғни қыркүйек айының бесінші жұлдызы күні Л.Н.Толстой атындағы №4 гимназия мектебінде «Ел мәртебесі-тіл мәртебесі» атты тілдер апталығының салтанатты ашылуы өтті.Салттанатты ашылу мектеп директоры –Г.В.Шевелеваның және тіл мамандарының құттықтау сөзімен ашылды. Біз үшін бұл үлкен мереке. Тіл-қай ұлтта, қай елде болса да қасиетті, қастерлі дүние. Тіл байлығы –әрбір елдің ұлттық мақтанышы. Шара ұлы халқымызыдың - ұлы ақыны, әдеби тілдің негізін салушы, аудармашы, философ, дана, дара туған Ұлы Абайдың 175 жылдық мерейтойына арналды. Шара барысында оқушылар тіл туралы өлеңдер мен Абай позэзиясын үш тілде оқып, ақынның әндері шырқалып, көрермендерді ерекше куанышқа бөледі. Сонымен қатар Абай Құнанбайұлының өмірі мен шығармашылығына көрме ұйымдастырылып, мектеп кітапханашысы В.Н.Миславская мектеп оқушыларына Абай поэзиясының құндылығы туралы айтып, Абайдың аудармалары, өлеңдері туралы жазылған кітап, журналдармен таныстырды.
Ұлы ақынның еңбектері біз үшін таусылмас асыл, рухани қазына. М.Әуезов Абайды «Қазақтың классик әдебиетінің атасы, казақ поэзиясының күн шуақты асқар биігі» деп атауы жай емес.