Бірінші сыныпқа өтінімдерді қабылдау

Білім беру ұйымдарында бірінші сыныпқа қабылдау бойынша өтініштер  01 сәуірден бастап 31 тамызға дейін қабылданады.
1-сыныпқа оқуға балалар тестілік немесе конкурстық рәсімдерді қолданусыз алты жастан қабылданады. Қабылдау даярлық деңгейіне қарамастан білім беру ұйымының қызмет көрсету аумағында тұратын барлық балалардың қолжетімділігін қамтамасыз ете отырып жүзеге асырылады.
Құжаттарды қабылдау «электрондық үкімет» веб-порталы egov.kz арқылы жүзеге асырылады.

Портал арқылы өтінім беру үшін келесі құжаттар пакеті қажет:
✓ Ата-аналардың немесе өзге де заңды өкілдердің өтініші;
✓ 3х4 см өлшемінде баланың суреті (2 дана);
✓ «Бала денсаулығының паспорты» 052-2/у нысанды анықтама.

Құжаттарды қабылдаудан бас тарту үшін негіз болып табылады:

1) сынып-жинақталымының шамадан тыс толуы;
2) Өтініш беру мерзімі осы ережелерде белгіленген мерзімге сәйкес келмеуі;
3) көрсетілетін қызметті алушының ұсынған құжаттардың анық еместігінің анықталуы;
4) көрсетілетін қызметті алушының мемлекеттік қызметті көрсету үшін қажетті ұсынылған құжаттарының білім беру ұйымдарына оқуға қабылдаудың үлгілік қағидаларында белгіленген талаптарға сәйкес келмеуi.

Өтініш демалыс және мереке күндерді қоспағанда, дүйсенбіден жұмаға дейін қабылданады.