«Білім беру ұйымдарындағы міндетті мектеп формасына қойылатын талаптар туралы» бұйрыққа өзгерістер

14.01.2016 жылғы ҚР оқу-ағарту министрі А.Аймағамбетовтың тапсырмасына бұйрығына сәйкес «Білім беру ұйымдарында міндетті мектеп формасына қойылатын талаптар туралы» барлық өңірлерде мектеп формасының бірыңғай түсін қабылдау бөлігінде өзгерістер енгізіледі.
Міндетті мектеп формасын қолдануда жалпы білім беретін мектептер тәсілдерінің бірлігін қамтамасыз ету, ата-аналардың мектеп формасына оң көзқарасын қалыптастыру мақсатында, сондай–ақ облыс мектептерінің көпшілігі мектеп формасының қою көк түстерін қолданатынын ескере отырып,  Ақмола облысы бойынша мектеп формасының бірыңғай түсі - қою көк түстерді енгізу орынды деп санаймыз. Мектеп формасы - классикалық стилде:
Ұл балаларға арналған - пиджак, жилет, аяқтың тобығын жабатын еркін пішілген шалбар, ақ көйлек;
Қыздар үшін - көйлек, ақ және көк алжапқыштар (ұзындығы тізеден 5 см-ден жоғары емес), сарафанға жол беріледі. 
Мектеп формасына түрлі діни конфессияларға қатысты киім элементтерін қосуға болмайды.
Баяндалғанның негізінде мектептердің қамқоршылық кеңесінің отырысында талқылау жүргізу және хаттаманы ата-аналар жұртшылығына жеткізу қажет.